Жансая (Бийбимәрьям )

Утамбетова

25 – февраль миллий тағамымыз ,, жүери – гүртик”  күни…

НЕ   ЖЕТСИН

Бүгин миллий байрам тағамның күни,

Күнимиз қуўаныш шадлықта өтсин.

Көплеген адамлар билмейди буны,

Жүўери дәмине енди не жетсин !…

Қайнаған суў менен қарылса уны,

Жасаўды аналар бизге үйретсин.

Қымбатта еместей арзандай қуны,

Жүўери гүртикке енди не жетсин…

Мереке тойларда қонақ күткенде,

Алғысын аламыз алдында көптиң.

Жүўери гүртикти салып кеткенде,

Бала шаға шаўқымына не жетсин !…

Тасырлап қайнаған семиз қой төси,

Қонақлар ыразы рахмет дессин.

Табаққа үйилген май менен гөши,

Жүўери гүртикке енди не жетсин !…

Кесеге қуйылар сыңғырлап сорпа,

Мейли майлық пенен пиязда кетсин.

Байрамда отырың толсын бир орта,

Бул миллий байрамға енди не жетсин !…

Халқым бирлик пенен өткерсин байрам,

Бүгинги күнимиз кеўилли өтсин.

Жансая ( Бийбимәрьям )

    Утамбетова

Бабалар қалдырған болмаңыз ҳайран,

Гүртик байрамына енди не жетсин !…

Жансая ( Бийбимәрьям )

    Утамбетова

25~февраль 2025~жыл